1-nji oktýabrda Birleşen Arap Emirlikleriniň Dubaý şäherinde 192 döwletiň we birnäçe halkara guramalaryň gatnaşmagynda 182 gün dowam etjek “EKSPO-2020” Bütindünýä sergisi öz işine başlady. Bu barada Türkmenistanyň Söwda-senagat edarasynyň resmi saýty habar berýär.

9-njy oktýabr türkmen ekspozisiýasyna bagyşlanar. Türkmenistanyň pawilýony «Ykjamlyk» sergisinde ýerleşýär. Türkmen ekspozisiýasyna gatnaşylara multimediýa tehnologiýalary arkaly dünýä belli Ahalteke atlaryna we ajaýyp türkmen halylaryna bagyşlanan wideolar, şeýle-de pagta we bugdaýyň “ösüşini” görkezýän täsirli gologrammalar görkeziler.

Türkmenistanyň "EKSPO-2020" Bütindünýä sergisine gatnaşmagy ýurdumyzyň gazananlaryny we ykdysady potensialyny dünýä jemgyýetçiligine görkezip, Türkmenistan-BAE gatnaşyklaryny täze derejä çykarmagyna garaşylýar.