Girmek
Özbegistanyň Daşary işler ministrliginiň metbugat gullugynyň habar bermegine görä, duşuşygyň dowamynda ozalky ýokary derejeli saparlar wagtynda gazanylan ylalaşyklaryň iş ýüzünde durmuşa geçirilişi boýunça pikir alşyldy.
Döwlet Baştutany we myhman ikitaraplaýyn meýilnamanyň we sebitleýin hyzmatdaşlygyň möhüm taraplaryny ara alyp maslahatlaşdylar. Söwda, maýa goýumlary, senagat hyzmatdaşlygy, esasanam, ulag, energetika, maşyn gurluşygy, ýeňil we azyk senagaty, oba hojalygy, suw dolandyryşy ýaly bar bolan mümkinçilikleri has doly ulanmagyň zerurlygy nygtaldy.
Duşuşykda özara gyzyklanýan beýleki meseleler hem ara alnyp maslahatlaşyldy.
Özbegistan daşary işler ministrliniň şu ýyl Türkmenistana ikinji saparydygyny ýatladýarys. Birinjisi, öň “Türkmenportalyň” habar berşi ýaly, 2021-nji ýylyň fewral aýynda bolupdy.