Girmek
Türkmenistanyň Oba hojalyk we daşky gurşawy goramak ministrligi Türk dünýäsiniň meteorologiýa boýunça ilkinji onlaýn forumyna gatnaşdy.
Türkiýäniň Meteorologiýa Baş müdirliginiň döredilmeginiň 84 ýyllygyna bagyşlanan foruma Bütindünýä Meteorologiýa guramasynyň Baş sekretary Petteri Taalas, Türkiýe Respublikasynyň wise-prezidenti Fuat Oktaý we beýleki ýolbaşçylar gatnaşdy. Türkmenistanyň, Gazagystanyň, Azerbaýjanyň, Gyrgyzystanyň, Demirgazyk Kipriň we Özbegistanyň milli gidrometeorologiýa gulluklary bolsa onlaýn gatnaşdylar.
Foruma gatnaşyjylar türki dilli ýurtlaryň meteorologiýa institutlarynyň bilelikdäki işleriniň halkara platformalarynda giňeldilmegini ara alyp maslahatlaşdylar.
Duşuşykdan soň taraplar meteorologiýa we gidrologiýa üçin strategiki we ylmy meýilnama taýýarlamak üçin Iş toparyny döretmek mümkinçiligini ara alyp maslahatlaşmak barada ylalaşdylar we Türk dünýäsiniň Meteorologiýa birleşigini döretmek barada karar kabul edildi.