Girmek
Türkmenistanyň Rumyniýadaky Ilçihanasynyň ýardam bermeginde Türkmen döwlet ykdysadyýet we dolandyryş instituty bilen Buharestiň ykdysady gözlegler uniwersitetiniň arasynda wideoaragatnaşyk arkaly Türkmenistanyň hemişelik Bitaraplygynyň 25 ýyllygyna bagyşlanan tegelek stol geçirildi.
Wideomaslahat görnüşinde geçirilen tegelek stola Türkmen döwlet ykdysadyýet we dolandyryş institutynyň hem-de Buharestiň ykdysady gözlegler uniwersitetiniň professor-mugallymlary gatnaşdylar.
Öz çykyşlarynda türkmen tarapy rumyn kärdeşlerine ýurdumyzyň oňyn bitaraplygynyň halkara ynsanperwer gatnaşyklaryny pugtalandyrmakda, bilim ulgamyny ösdürmekde hem-de Bitarap Türkmenistanyň durnukly ykdysady ösüşi üpjün etmekde bitaraplyk derejesiniň eýeleýän orny we ähmiýeti barada giňişleýin gürrüň berdiler. Olar türkmen-rumyn gatnaşyklaryň giň toplumy babatynda ýokary derejä eýe bolup durýandygyny aýratyn bellediler.
Rumyniýanyň wekilleri Türkmenistan bilen söwda, bilim, ylym we medeniýet ulgamyndaky köpýyllyk hyzmatdaşlygyň ähmiýetini nygtadylar. Olar Türkmenistanyň Prezidenti Gurbanguly Berdimuhamedowyň ýolbaşçylygynda durmuşa geçirilýän Türkmenistanyň oňyn bitaraplyk syýasatynyň wajyplygyny belläp geçdiler. Sebitleýin howpsuzlygyň, durnuklylygyň we durnukly ösüşiň üpjün edilmeginde Türkmenistanyň ähmiýetli orun eýeleýändigi bellenilip geçildi.