“Tatarystanyň häzirki başlygy Rüstam Minnihanow, deslapky maglumatlara görä, teswirnamalaryň 100 göterimi gaýtadan işlenenden soň 83,28 göterim ses alyp, prezident saýlawlarynda ýeňiş gazandy” – diýip sebitiň Merkezi saýlaw komissiýasynyň başlygy Andreý Kondratýew aýtdy.

11-nji sentýabrdan 13-nji sentýabr aralygynda respublikada Tatarystanyň başlygynyň, häkimlikleriň wekilçilikli guramalarynyň wekilleriniň, Russiýa Federasiýasynyň Döwlet Dumasynyň bir orunbasarynyň we Tatarstanyň Döwlet Geňeşine bir orunbasaryň goşmaça saýlawlary geçirildi. 

Tatarystan respublikanyň baştutany wezipesine saýlawlarda bäş dalaşgär bäsleşdi: Olar:

1. Alfred Waliýew ("Russiýanyň kommunistleri partiýasy”),

2. Oleg Korobçenko ("Ösüş partiýasy"), 

3. Rüstam Minnihanow ("Birleşen Russiýa partiýasy"), 

4. Almir Mihaýew ("Adalatly Russiýa partiýasy"),

5. Wladimir Surchilow (LDPR). 

Tatarstanda 2,94 million saýlawçy bar. Kondratýew žurnalistlere beren maglumatynda "Saýlawlara saýlawçylaryň umumy sanynyň 78,78 göterimi gatnaşdy ... 1,93 million saýlawçy Rustam Nurgaliýewiç Minnihanowa ses berdi, bu bolsa saýlawçylaryň sanynyň 83,28 göterimi bolýar" – diýip belledi.

Kondratýew bu netijeleriň deslapkydygyny, saýlawlaryň soňky netijeleriniň ýakyn günlerde Tatarstanyň Merkezi saýlaw komissiýasy tarapyndan tassyklanjakdygyny aýtdy.

Tatarstanyň MSK-nyň başlygynyň habar bermegine görä, Mihaýew  4,93 göterim, Waliýew 4,64 göterim, Korobçenko 3,58 göterim, Surçilow - 2,84 göterim ses aldy.

2015-nji ýylda Tatarstanyň baştutany wezipesine  geçirilen saýlawlarda Minnikhanow sesleriň 94,4 göteriminden  84,2 göterimini aldy.