Girmek
Aşgabadyň «Altyn asyr» futbol topary Türkmenistanyň çempiony boldy. «Türkmenaragatnaşyk» agentliginiň topary bu üstünlige çempionatyň tamamlanmagyna üç tapgyr galanda ýetdi.
Çempionatyň 25-nji tapgyrynda ýaryşdaky esasy bäsdeşi bolan Türkmenbaşy şäheriniň «Şagadamyny» myhmançylykda 2:1 hasabynda ýeňen «aragatnaşykçylar» bu ýeňişden soňra özleriniň çempionlygyny yglan etdiler. Topar indi iň ýakyn bäsdeşinden 9 utuk öňde.
Şeýlelikde, «Altyn asyr» bassyr altynjy gezek ýurdumyzyň çempiony bolmagy başardy. AFK-nyň kubogy ― 2018-de finala çenli baryp ýeten türkmen futbolunyň şu günlerdäki iň güýçli toparyna Türkmenistanyň at gazanan tälimçisi, 43 ýaşly hünärmen Ýazguly Hojageldiýew tälim berýär.
«Altyn asyr» 2014-nji ýylyň futbol möwsüminden bäri çempionlygy garşydaşlarynyň hi birine hem gidirmedi. Şeýlelikde, topar çempionlyklaryň sany boýunça «Köpetdag» bilen deňleşdi. Ýöne «Altyn asyryň» yzygider çempionlyklar babatyndaky öz rekordyny ýene-de özüniň täzeländigini hem aýtmak gerek.
Çempionlyk «aragatnaşykçylara» AFK-nyň kubogy ― 2020-niň toparçalaýyn tapgyrynda ýaryşmaga mümkinçilik berdi.