Dünýä çempionaty ― 2022-niň düýn geçirilen saýlama duşuşyklarynda Eýranyň ýygyndysy Kambojiýanyň kabul edip, taryhdaky iň uly hasaply ýeňişleriň birini gazandy. Duşuşyk eýranly futbolçylaryň 14:0 hasabynda ýeňşi bilen tamamlandy.

Şu duşuşykda üç gezek ― 11-nji, 36-njy we 44-nji minutlarda tapawutlanan eýranly türkmen Serdar Azmun, yzda galan 3 tapgyrdan soň 4 gol bilen iň netijeli futbolçylaryň sanawynda ikinji orny eýeleýär. Ýöne ýol ýaryş münberiniň ikinji basgançagyny Koreýa Respublikasyndan Kim-Şin wuk hem-de siriýaly Omar al-Somah bilen paýlaşýar.

Netijeli futbolçylaryň başyny üç tapgyrda 5 pökgi bilen 3 futbolçy çekýär. Olar hytaýly Ýang Hu, eýranly Karim Ansarifard hem-de BAE-li Ali Mabhutdyr.

Yzda galan üç tapgyrda Türkmenistanyň ýygyndysyndan üç futbolçy tapawutlandy. Olar Altymyrat Annadurdyýew, Arslanmyrat Amanow hem-de Wahyt Orazsähedow.