23-nji sentýabrda Türkmenistanyň Prezidenti Ministrler Kabinetiniň sanly wideoaragatnaşyk arkaly iş maslahatyny geçirdi. Maslahatyň barşynda Türkmenistanyň Prezidenti Permana gol çekdi. Resminama laýyklykda, Annageldi Orazberdiýewiç Ýazmyradow Türkmenistanyň Suw hojalygy baradaky döwlet komitetiniň başlygy wezipesinden wagtlaýyn boşadyldy. Türkmenistanyň Prezidentiniň Karary bilen, bu wezipäni wagtlaýyn ýerine ýetirmek Türkmenistanyň Suw hojalygy baradaky döwlet komitetiniň başlygynyň orunbasary Joşmyrat Aşyrmyradowiç Sedekowyň üstüne ýüklenildi.