Girmek
Kuweýtde okuw-türgenleşik ýygnanyşygyny geçirýän Futzal boýunça Türkmenistanyň zenanlar ýygyndysy Kuweýtiň zenanlar ýygyndysy bilen ýoldaşlyk duşuşygyny geçirdi. Bu duşuşyk 6:0 hasabynda zenanlar ýygyndymyzyň peýdasyna tamamlandy. Ýygyndy toparymyzyň gollaryny Mariýa Çaryýewa (4), Maýa Musaskaýa hem-de Ejeş Amanmuhammedowa dagy geçirmegi başardylar ― diýip, Türkmenistanyň Futbol federasiýasynyň resmi saýty (www.tff.com.tm) habar berýär.
Ýeri gelende aýtsak, Kamil Mingazowyň türgenleşdirýän ýygyndy toparymyzyň Kuweýtdäki okuw-türgenleşik ýygnanyşygy 4-nji aprele çenli dowam eder.