Mundan birnäçe gün ozal Türkmenabat şäherinden badalga alan Batyr Abdyllaýew bilen Hudaýberen Saparow düýn Daýahatyn ýadygärligine gelip ýetdiler. Bu ýerde 80 ýaşy arka atan halypa bagşy Saparmyrat Çaňlyýewiň we bu ýadygärligiň jogapkär işgäri Zafar Hasanowyň gatnaşmagynda etrapdaky 22-nji orta mekdebiň okuwçylary bilen duşuşyk geçirildi.
Syýahatçylar günüň ikini ýarymynda Darganbaba (Abu Muslim) galasyna sary ýola düşdüler. Baharyň şemally howasynda welosipedleri kä säräp, käte idip 50 kilometr ýol geçen syýahatçylar Agşamly bu ýere geldiler.
Darganata etrabynyň çägindäki ýörişde olara etrabyň 1-nji orta mekdebiniň okuwçylary Artur hem-de Jelaleddin Jumanyýazowlar hem goşuldy.