FIFA-nyň emini 36 ýaşly Husseýn Abo Ýahýanyň ýolbaşçylygyndaky Liwanly eminler topary futbol çempionatymyzyň wise çempiony «Ahalyň» AFK kubogy 2018-iň saýlama tapgyryndaky birinji duşuşygynda eminlik ederler. 23-nji ýanwarda Bişkekde ýerli «Dordoý» bilen «Ahalyň» arasyndaky geçiriljek duşuşykda Ýahýanyň kömekçileri hökmünde 41 ýaşly Samir Badr bilen Adnan Abdallah çykyş ederler. Duşuşygyň ätiýaçdaky emininiň wezipesini FIFA-nyň emini Ali Reda ýerine ýetirer. Bu duşuşygyň gözegçi emini Rustom, Ýosef Mirza A (Saud Arabystany), duşuşygyň komissary iordaniýaly Munem Issa Elias Fakhouri bolar.

Ýeri gelende aýtsak, 36 ýaşly FIFA-nyň emini Husseýn Abo Ýahýa 2016-njy ýylda Bişkekde «Dordoýyň» AFK kubogynyň çägindäki oýnunda eminlik edipdi. Şonda «Dordoý» Makaonyň «Benfika» toparyny 2:1 hasabynda ýeňlişe sezewar edipdi.

«Ahal» bilen «Dordoýyň» arasyndaky saýlama tapgyryň jogap duşuşygy 30-njy ýanwarda Balkanabat şäheriniň “Sport toplumy” stadionynda geçiriler.