Batyr Amangeldiýewiç Annaýew başga işe geçmegi sebäpli, Türkmenistanyň Ministrler Kabinetiniň Başlygynyň orunbasary wezipesinden boşadyldy. «Watan» habarlar gepleşiginde habar berlişi ýaly, bu wezipä Türkmenistanyň demir ýol ulaglary ministri Mämmet Welmämmedowiç Akmämmedow bellenildi.

Türkmenistanyň Prezidenti Serdar Berdimuhamedow bu baradaky Permana şu gün sanly ulgam arkaly geçirilen Hökümet mejlisiniň dowamynda gol çekdi.

Ýeri gelende bellesek, B.Annaýew Türkmenistanyň Ministrler Kabinetiniň Başlygynyň ulag we aragatnaşyk toplumy boýunça orunbasary wezipesine 2026-njy ýylyň fewralynda bellenilipdi.