«Naýbaşy» kompaniýasy toý dabaralaryny ýa-da milli däp-dessurlary islendik amatly ýerde — açyk meýdançada, şäheriň daşynda ýa-da müşderiniň öýüniň ýanynda gurnalýan ajaýyp bezelen çadyrlarda geçirmegi teklip edýär. Çadyry gurnamak, bezemek, işgärleriň zähmetini ýola goýmak we myhmanlara hödür-kerem etmek bilen baglanyşykly ähli aladalary kompaniýa öz üstüne alýar.

Çadyr — dabaranyň geçirilýän esasy giňişligi

«Naýbaşy» kompaniýasynyň dabara çadyrlary adaty toý mekanlaryndan başga özboluşlylyk gözleýänler üçin niýetlenendir. Kompaniýanyň hünärmenleri saýlanan meýdançada çadyry gurnap, ony myhmanlary kabul etmäge doly taýýarlaýarlar. Çadyryň içi oturgyçlary ýerleşdirmekden başlap, hyzmata çenli ähli zat inçelik bilen göz öňünde tutulan hakyky toý giňişligine öwrülýär.

Ýatda galyjy bezeg 

Çadyrlaryň daşky we içki keşbiniň üstünde kompaniýanyň dizaýnerleri işleýärler. Bezeg işlerinde toý arkalary, mataly bezegler, baýramçylyk yşyklandyryşy we gül kompozisiýalary peýdalanylýar. Döwrebap çözgütler milli öwüşginler — göller, el halylary we türkmen binagärlik hem-de dokma stili bilen sazlaşykly utgaşdyrylýar.

Myhmanlaryň rahatlygy we ýokary derejeli hyzmat

Göçme hyzmatlaryň çäklerinde «Naýbaşy» kompaniýasynyň hünärmenleri myhmanlara ýokary derejede hyzmat edýärler, tagamlary bolsa kompaniýanyň ussat aşpezleri göni dabaranyň geçirilýän meýdançasynda taýýarlaýarlar. Menýuda milli türkmen aşhanasynyň tagamlary bilen bir hatarda, türk we ýewropa aşhanasynyň lezzetli tagamlary hem bar. Logistika, gurnama we dabara günündäki utgaşdyryş işlerini guramaçylar öz üstüne alýarlar, şonuň üçin öý eýelerine aýratyn hyzmatlar boýunça kärhanalary gözlemek gerek bolmaýar.

«Biz myhmanlaryň diňe bir süýji tagamlardan lezzet almagyny däl, eýsem, dabaraly gurşawa aralaşmagyny — palawyň gazanda bişişini görmeklerini, täze bişirilen çörekleriň ýakymly ysyny duýmaklaryny isleýäris. Bu toýdan galjak ýatdan çykmajak täsirleriň bir bölegidir» diýip, kompaniýanyň wekilleri bellediler.

Göçme dabaralaryň möwsümi

Guramaçylaryň bellemeklerine görä, bu hyzmat ýylyň maýyl günlerinde has köp islege eýedir we bu döwür kompaniýa üçin iň köp işli möwsümleriň biridir.

Sargyt etmek şertleri, menýu we toplumlaýyn hyzmatlaryň bahalary barada jikme-jik maglumatlary göni kompaniýanyň telefon belgileri arkaly alyp bilersiňiz: +99365 634643, +99365 418814.