«Belet» platformasy UEFA-nyň Çempionlar ligasynyň esasy oýunlarynyň üçünji tapgyrynyň 14-nji we 15-nji oktýabrda geçiriljek duşuşyklaryny göni ýaýlymda görkezer. Duşuşyklar iňlis dilinde ýaýlyma berler, diňe bir oýun rus dilinde görkeziler.

14-nji oktýabra geçilýän gije, Aşgabat wagty bilen sagat 00:00-da üç duşuşyk geçiriler: «Wiking» — «Bawariýa», «Arsenal» — «Lill» we «Galatasaraý» — «Barselona».

Şol günüň agşam sagat 21:45-de «LASK» bilen «Liwerpul» toparlary meýdança çykar. Bu duşuşyk rus dilinde göni ýaýlymda görkeziler. Şol bir wagtda «Feýenoord» kluby «Komo» topary bilen duşuşar.

15-nji oktýabra geçilýän gije Aşgabat wagty bilen sagat 00:00-da janköýerlere ýene üç duşuşyk garaşýar: «Roma» — «Real Madrid», «Mançester Siti» — «PSŽ» we «Aston Willa» — «Fenerbahçe».

Şeýlelikde, «Belet» platformasy iki oýun gününiň dowamynda UEFA-nyň Çempionlar ligasynyň jemi sekiz duşuşygyny görkezer.