Hytaýly geologlar ýurduň gündogaryndaky Anhoý ülkesinde kuproauridiň (misiň hem-de altynyň tebigy birleşmesiniň) iri ýatagyny tapdylar. Bu barada Hytaýyň Merkezi teleýaýlymy habar berdi.

Ýatak Sýuançen şäher okrugynyň Çatin etrabynda ýerleşýär. Esasy magdan gatlagynyň uzynlygy 1,2 kilometr töweregi, giňligi 1,1 km-den gowrak. Hünärmenler bu ýerdäki altynyň gorlarynyň 200 tonnadan geçýändigini çaklaýarlar. Misiň gorlary millionlarça tonna deň.

Hytaýyň altyn gazyp alyjylar assosiasiýasynyň maglumatlaryna görä, 2025-nji ýylda ýurt öz çig malynyň hasabyna 381,3 tonna altyn öndürdi.