Lionel Messi Argentinanyň milli ýygyndysyndaky çykyşyny tamamlaýandygyny yglan etdi. «Inter Maýaminiň» hüjümçisi bu barada 31-nji awgustda özüniň sosial ulgamdaky şahsy sahypasynda habar berdi.

Futbolçy uzak wagtlap pikirlenenden soň milli ýygyndydan gitmek kararyna gelendigini ýazdy. Onuň sözlerine görä, bu karar onuň üçin örän agyr bolupdyr we häzirem ýüregine agyry salýar. Şeýle-de bolsa, Messi häzir munuň üçin iň amatly pursadyň gelendigine düşünýändigini belledi.

Bu karar 2026-njy ýyldaky dünýä çempionatyndan bir ýarym aý töweregi wagt geçenden soň mälim edildi. Argentina milli ýygyndysy çempionatyň finalyna çenli baryp, goşmaça wagtda Ispaniýadan 0:1 hasabynda ýeňildi. Birnäçe habar beriş serişdeleriniň maglumatlaryna görä, futbolçynyň kakasynyň aradan çykmagy Messiň bu kararyny has ir yglan etmegine sebäp bolup biler.

39 ýaşly Messi MLS-de çykyş edýän «Inter Maýami» toparynda futbol ýoluny dowam etdirer. Ol Argentinanyň milli ýygyndysynyň düzüminde 2022-nji ýylda dünýä çempiony boldy we 2021-nji hem-de 2024-nji ýyllarda iki gezek Amerikanyň kubogynyň ýeňijisi boldy. Messi «Barselonanyň», Ispaniýanyň çempionatynyň we Argentinanyň milli ýygyndysynyň taryhynda iň köp gol geçiren futbolçy bolmagynda galýar. Şeýle hem ol «Altyn top» baýragyny sekiz gezek gazanan ýeke-täk futbolçydyr.