Türkmenistanyň ýokary we orta hünär okuw mekdeplerine talyplyga dalaşgärleriň resminamalaryny kabul etmek işleri tamamlandy. Bu möhüm möwsüm Ministrler Kabinetiniň 10-njy iýulda geçirilen giňişleýin mejlisinde Türkmenistanyň Prezidentiniň gol çeken Buýrugy esasynda 13 – 26-njy iýul aralygynda ýokary guramaçylyk derejesinde amala aşyryldy.

Ýeri gelende bellesek, 2026-2027-nji okuw ýylynda ýokary okuw mekdeplerinde täze hünärleriň we taýýarlygyň ugurlarynyň jemi 20-si açylar. Şu ýyl ýurduň ýokary okuw mekdeplerine kabul ediljek ýaşlaryň sany 18 müňden geçer.

S.A.Nyýazow adyndaky Türkmen oba hojalyk uniwersitetinde, Halkara senagatçylar we telekeçiler uniwersitetinde okuw dersleri boýunça giriş synaglary test görnüşinde geçiriler.

Türkmenistanyň ýokary we orta hünär okuw mekdeplerine giriş synaglary 24-nji awgusta çenli dowam eder.