Güýçli şemal hem-de ýaramaz howa şertleri sebäpli uçarlar Stambulda gonmak mümkin bolmansoň, asmanda aýlanmaly boldy. Bu barada ýurduň «Cumhuriyet» gazeti habar berdi.

Şäheriň demirgazyk etraplarynda 22-nji iýulda agşam howa bulaşyp başlady. Güýçli şemal we ýaramaz görüş howa menziliniň işine täsir etdi. Görüş gowulanandan siňra uçarlar sag-aman Stambulyň howa menzilinde gondular.

Şäheriň häkimligi ýaramaz howanyň hepdäniň ahyryna çenli dowam etjekdigini habar berdi. 23-nji iýuldan 26-njy iýula çenli güýçli çabga hem harasata, käte aram we güýçli şemala garaşylýar. Ýerli ýaşaýjylara ýaramaz howa şertleri sebäpli seresap bolmak barada duýduryldy.