Futbol boýunça 2026-njy ýylyň dünýä çempionatynda 1/16 final tapgyry tamamlandy we 1/8 finala çykan ähli ýygyndylar kesgitlenildi. Aşakda pleý-off tapgyrynyň Aşgabat wagty boýunça oýunlarynyň tertibi hödürlenýär.

1/16 finalyň soňky oýunlarynyň netijeleri:

Müsüriň ýygyndysy penaltiler tapgyrynda Awstraliýanyň ýygyndysyndan üstün çykdy. Esasy wagt 1:1 hasabynda tamamlandy, 11 metrlik jerime urgularynda bolsa Müsüriň ýygyndysy 4:2 hasabynda ýeňiş gazandy.

Argentinanyň ýygyndysy goşmaça wagtda Kabo-Werdeniň ýygyndysyny 3:2 hasabynda ýeňdi.

Kolumbiýanyň ýygyndysy Gananyň ýygyndysyndan 1:0 hasabynda üstün çykdy.

1/8 finalyň oýunlarynyň tertibi (Aşgabat wagty):

4-nji iýul, 22:00 — Kanada – Marokko;

5-nji iýul, 02:00 — Paragwaý – Fransiýa;

6-njy iýul, 01:00 — Braziliýa – Norwegiýa;

6-njy iýul, 05:00 — Meksika – Angliýa;

6-njy iýul, 23:55 — Portugaliýa – Ispaniýa;

7-nji iýul, 05:00 — ABŞ – Belgiýa;

7-nji iýul, 21:00 — Argentina – Müsür;

8-nji iýul, 01:00 — Şweýsariýa – Kolumbiýa.

Türkmenistanyň ýaşaýjylary dünýä çempionatynyň ähli oýunlaryna Belet striming platformasynda göni ýaýlymda tomaşa edip bilerler.

2026-njy ýylyň futbol boýunça dünýä çempionaty taryhda ilkinji gezek 48 milli ýygyndynyň gatnaşmagynda ABŞ-nyň, Kanadanyň we Meksikanyň çäginde geçirilýär. Ýaryş 19-njy iýulda tamamlanýar.