Meksikanyň futbol boýunça milli ýygyndysy dünýä çempionatynyň 1/16 finalynda Ekwadoryň ýygyndysyny 2:0 hasabynda ýeňip, 1/8 finala çykdy. Duşuşyk Mehiko şäherinde geçirildi.

Meksikanyň gollaryny Hulian Kinýones 22-nji minutda we Raul Himenes 31-nji minutda geçirdi. Duşuşygyň ikinji ýarymyna goşulan wagtyň 5-nji minutynda Ekwadoryň goragçysy Pýero Inkapýe gyzyl duýduryş alyp, meýdançadan çykaryldy.

Duşuşyk Aşgabat wagty bilen sagat 06:00-da başlamalydy. Emma güýçli ýyldyrymly ýagyş sebäpli oýnuň başlanmagyny bir sagat süýşürmeli boldy.

Meksikanyň ýygyndysy 1/8 finalda Angliýa bilen Kongo Demokratik Respublikasynyň arasyndaky duşuşygyň ýeňijisi bilen güýç synanyşar.