Türkmenistanyň Awtomobil ulaglary ministrliginiň Aşgabat ýolagçy awtoulag kärhanasy şäheriň içinde hereket edýän «Yutong» kysymly awtobuslar üçin niýetlenen «Wokzal» soňky duralganyň ýerleşýän ýeriniň üýtgedilendigini habar berdi. Täze duralga öňki duralganyň günorta-gündogar tarapynda ýerleşýär we 8-nji iýundan başlap ulanyşa girizildi.

Täzelenen soňky duralgadan №20, №33 we №37 belgili şäheriçi awtobus ugurlary gatnaw edýär. Bu ýerde ýolagçylar üçin has amatly we döwrebap şertler döredildi.

Şäheriçi ugurlardan başga-da, täze soňky duralgadan Awaza, Arçman, Mollagara, Türkmenbaşy we Hazar ugurlary boýunça şäherara awtobus gatnawlary hem amala aşyrylýar.