Türkmenistanly okuwçylar 25 – 30-njy maý aralygynda Hindistanyň Noida şäherinde Amity uniwersiteti tarapyndan guralan, ýokary synplarda okaýan mekdep okuwçylarynyň arasynda geçirilen halkara matematika we bilim olimpiadasynda birnäçe altyn medal gazandylar.

Türkmenistanly ýaşlaryň topary matematika (nazary bölek), fizika (nazary bölek we barlaghana tapgyry) we himiýa (nazary bölek we barlaghana tapgyry) dersleri boýunça çykyş etdi. Netijede, matematika dersi boýunça takyk we iňlis dili derslerini çuňlaşdyryp öwredýän ýöriteleşdirilen 6-njy orta mekdebiniň 11-nji synp okuwçysy Muhammetmyrat Muhammedow altyn medala; fizika dersi boýunça 79-njy orta mekdebiň 9-njy synp okuwçysy Mehdi Şemmiýew altyn medala; himiýa dersi boýunça dil derslerini çuňlaşdyryp öwredýän ýöriteleşdirilen 87-nji orta mekdebiniň 11-nji synp okuwçysy Halylmyrat Gurbanmyradow altyn we kümüş medallara, şeýle-de iňlis dili, himiýa we biologiýa derslerini çuňlaşdyryp öwredýän ýöriteleşdirilen 86-njy orta mekdebiniň 11-nji synp okuwçylary Şatlyk Jumageldiýew kümüş we bürünç medallara hem-de Ýakup Nuryýew bürünç medala mynasyp boldular.

Ýaşlaryň olimpiada taýýarlyk işlerine «Gujurly Bilim Merkeziniň» mugallymlary Dörtguly Gylyjow we Meretguly Gurbanow ýolbaşçylyk etdiler.