Aşgabadyň maliýe-ykdysady orta hünär okuw mekdebinde maý aýynyň 15-ne ýetip gelýän Türkmenistanyň Konstitusiýasynyň we Döwlet baýdagynyň güni mynasybetli dabaraly çäre geçirildi.

Baýramçylyk çäresi mekdebiň talyplarynyň arasynda "Hukuk sowatlylygy" atly bäsleşik görnüşinde guraldy. Bäsleşiň dowamynda talyplar hukuk bilimleri babatda özleriniň başarnyklaryny we sowatlylygyny görkezdiler. Çäre ýokary guramaçylyk derejesinde geçirilip, oňa gatnaşan talyplar işjeň çykyş etdiler.

Çärä hormatly myhman hökmünde Türkmenistanyň Magtymguly adyndaky Ýaşlar guramasynyň Köpetdag etrap wekili Ogulbibi Meskutowa, Türkmenistanyň Halk artisti, Magtymguly adyndaky milli sazly drama teatrynyň aýdymçy artisti Halbike Dowyýewa hem-de Türkmenistanyň Halk artisti Akmuhammet Hanow dagylar gatnaşdylar.