Gazagystanyň Almaty şäherinde Birleşen Milletler Guramasynyň Ilat gaznasynyň (ÝUNFPA – United Nations Population Fund) Merkezi Aziýa boýunça sebit merkezi açylar. Bu barada Gazagystan Respublikasynyň DIM-i «Telegram»-sahypasynda habar berdi.

«BMG-niň Baş sekretarynyň orunbasary duşuşykda Almaty şäherinde guramanyň Ilat gaznasynyň demografik durnuklylyk meseleleri barada Merkezi Aziýa boýunça sebit merkezini açmak hakynda çözgüdini yglan etdi. Merkez sebitde ilatyň artyşy boýunça maglumatlary jemlemek, seljermek we öwrenmek bilen meşgullanar» diýlip, habarda bellenýär.

Ilat gaznasy Birleşen Milletler Guramasynyň ilatlaşmak ulgamynyň işine ýolbaşçylyk edýär, ösýän ýurtlara  geçiş döwründe demografik kynçylyklary ýeňip geçmäge goldaw berýär.