Gyrgyzystanda nusgawy we häzirki zaman gyrgyz kinosyna bagyşlanan «Synçy» mediaplatformasy işe goýberildi diýip, «Kabar.kg» habar berdi.

Taslama GR-niň Medeniýet ministrligindäki kinematografiýa edarasynyň, Habarlar we ýaşlar edarasynyň goldaw bermeginde ýurduň Kino tankydyny ösdürmek gaznasy we Kinotankytçylaryň bileleşigi tarapyndan durmuşa geçirilýär. Platformada synlar, söhbetdeşlikler, seljeriş makalalary, wideo-esseler we beýlekiler çap ediler, şeýle-de gyrgyz kinosynyň sanly arhiwi dörediler.

Häzir «Synçy» sosial torlarda işjeň hereket edýär (Instagram: @synchy.kg), www.synchy.kg saýty bolsa synag düzgüninde işleýär. Platforma iýunyň başynda doly bahaly işe goýberiler.