Türkmenistanyň Myrat Garryýew adyndaky Döwlet lukmançylyk uniwersitetiniň lukmanlaryň diplomdan soňky taýýarlygy we hünär derejesini ýokarlandyrmak bölüminiň baş hünärmeni Nowruz Myratdurdyýew GDA-nyň maksatnamasynyň çäklerinde geçirilen halkara bäsleşikde birbada iki baýragyň — «GDA-nyň iň gowy mugallymy» we «GDA-nyň iň gowy ýaş alymy» diýen atlaryň eýesi boldy.

Bäsleşik Astana şäherinde geçirilip, Gazagystanyň «Bilim-örkeniýeti» we «Žaňa Қazaқstan» innowasion merkezleri tarapyndan guraldy. Onuň maksady Arkalaşyga agza ýurtlaryň arasynda iň zehinli mugallymlary we ýaş ylmy işgärleri ýüze çykarmakdan ybaratdyr. N. Myratdurdyýew ýokary ylmy-pedagogik derejesi, okatmagyň döwrebap usullaryny ulanmagy, şeýle hem daşary ýurt dillerindäki lukmançylyk nakyllarynyň leksiki aýratynlyklaryna bagyşlanan ylmy işi üçin eminler tarapyndan ýokary bahalandyryldy. Bäsleşigiň netijeleri boýunça oňa I derejeli diplom, döşe dakylýan nyşan we halkara şahadatnamasy gowşuryldy.