Türkmenistanyň Daşary işler ministrliginiň Halkara gatnaşyklary institutynda ýurduň orta mekdepleriniň 12-nji synp okuwçylarynyň arasynda ders olimpiadalarynyň birinji tapgyry boldy.

Türkmenistanyň taryhy, matematika, türkmen dili we iňlis dili boýunça geçirilen bu giň gerimli intellektual bäsleşik Halkara bilim gününe bagyşlanýar diýip, «Türkmenistan: Altyn asyr» neşiri habar berýär.

Olimpiadalar ýurduň ähli künjeginden 800-e golaý mekdep okuwçysyny bir ýere jemledi.

Birinji tapgyryň netijeleri ýakyn wagtda institutyň resmi saýtynda yglan ediler.

Iň gowy netije görkezen okuwçylar 27-nji aprelde geçiriljek ikinji, jemleýji tapgyra gatnaşmaga hukuk gazanarlar.

Ýeňijileri sylaglamak dabarasy 8-nji maýda institutyň geljekki talyplar üçin guraýan «Açyk gapylar» gününiň çäklerinde geçiriler diýlip, habarda bellenilýär.