NASA-nyň maglumatlaryna görä, «Artemis II» missiýasynyň astronawtlary «Orion» kosmos gämisiniň bortunda Ýerden iň uzak aralyga uçan adam hökmünde täze dünýä rekordyny goýdular. Topar Ýerden 406 608 kilometr uzaklykdaky aralyga çykyp, öňki «Apollo-13» ekspedisiýasynyň rekordyny 6 437 kilometr artyk geçdi. Mundan başga-da, gämi Aýdan 8 047 kilometr has uzak aralyga geçdi.

Topara astronawtlar Rid Waýsman, Wiktor Glower, Kristina Koh we Jeremi Hansen girýär. Uçuşyň alty sagatlyk böleginde olar Aýyň ters tarapyny hem-de doly Gün tutulmasyny synladylar. Missiýa 2026-njy ýylyň 2-nji aprelinde Florida ştatyndaky Kennedi Kosmos merkezinden başlandy we 1972-nji ýyldan bäri ilkinji adamly Aý ekspedisiýasy boldy.

Uçuşyň umumy dowamlylygy takmynan 10 gün bolup, ekipaž Aýy aýlanyp, soňra Ýere dolanar.