«Altyn Asyryň» futbolçylary Türkmenistanyň Ýokary ligasynyň ilkinji tapgyryndaky öz maýdançasynda paýtagtymyzyň «Aşgabat» toparyndan 4:1 hasabynda üstün çykdylar. Oýun Aşgabadyň Büzmeýin etrabynda ýerleşýän «Altyn Asyryň» öz stadionynda geçirildi.

Ýeňijileriň düzüminde pökgüleri Mekan Aşyrow (18-nji minut, penalti urgusy bilen), Röwşen Halmämmedow (35) we Hoşgeldi Hojowow (90+3) geçirdi. Mundan başga-da, 31-nji minutda «Aşgabat» toparynyň goragçysy Şatlyk Gurbanow topy öz derwezesine girizdi. Ýeňlen topardan pökgüni 49-njy minutda Wahyt Orazsähedow geçirdi.

Orazsähedow öň oýnan toparynyň derwezesine pökgi geçirdi — ol gyşky arakesmede «Altyn Asyrdan» «Aşgabat» toparyna geçipdi.

Geçen möwsümiň netijeleri boýunça «Altyn Asyr» Türkmenistanyň Ýokary ligasynda üçünji orny eýeledi. «Aşgabat» topary bolsa ýaryşy altynjy orunda tamamlady.

Indiki tapgyrda, 11-nji aprelde, «Altyn Asyr» myhmançylykda «Köpetdag» bilen duşuşar. Şol gün «Aşgabat» öz meýdançasynda Türkmenbaşy şäheriniň «Şagadam» toparyny kabul eder.