Çarşenbe güni geçirilen saýlama tapgyrynyň soňky duşuşyklarynyň jemleri boýunça 2026-njy ýylyň futbol boýunça dünýä çempionatyna gatnaşjak ähli 48 milli ýygyndy belli boldy. Ýaryş 11-nji iýundan 19-njy iýula çenli Amerikanyň Birleşen Ştatlarynda, Meksikada we Kanadada geçiriler.

Toparçalar boýunça gatnaşyjylaryň düzümi:

A toparçasy: Meksika, Günorta Afrika Respublikasy, Günorta Koreýa, Çehiýa
B toparçasy: Kanada, Şweýsariýa, Katar, Bosniýa we Gersegowina
C toparçasy: Braziliýa, Marokko, Gaiti, Şotlandiýa
D toparçasy: ABŞ, Paragwaý, Awstraliýa, Türkiýe
E toparçasy: Germaniýa, Kýurasao, Kot-d’Iwuar, Ekwador
F toparçasy: Niderlandlar, Ýaponiýa, Tunis, Şwesiýa
G toparçasy: Belgiýa, Müsür, Eýran, Täze Zelandiýa
H toparçasy: Ispaniýa, Kabo-Werde, Saud Arabystany, Urugwaý
I toparçasy: Fransiýa, Senegal, Norwegiýa, Yrak
J toparçasy: Argentina, Alžir, Awstriýa, Iordaniýa
K toparçasy: Portugaliýa, Kongo DR, Özbegistan, Kolumbiýa
L toparçasy: Angliýa, Horwatiýa, Gana, Panama

Taryhda ilkinji gezek dünýä çempionatyna Özbegistanyň, Iordaniýanyň, Kabo-Werdeniň we Kýurasaonyň milli ýygyndylary gatnaşmak hukugyny gazandy.

Türkmenistanyň milli ýygyndysy bu ýaryşa çykyp bilmedi. Saýlama tapgyrynyň ikinji döwründe türkmen futbolçylary öz toparçasynda üçünji orny eýeledi, Eýranyň we Özbegistanyň ýygyndylary bolsa öňe geçdiler. Toparçada dördünji orny Gonkongyň ýygyndysy eýeledi.