21-30-njy oktýabr aralygynda Aşgabat şäherindäki Ýöriteleşdirilen küşt-şaşka mekdebinde küşt sporty boýunça Türkmenistanyň birinjiligi geçiriler. Milli ýaryşy Sport we ýaşlar syýasaty ministrligi Aşgabat şäher häkimligi bilen bilelikde geçirer.

Türkmen küştçüleriniň halkara ýaryşlarda, şol sanda dünýä çempionatlarynda hem üstünlikli çykyş edýändigini nygtamak gerek. Yzygiderli geçirilýän milli birinjilikler bolsa täze zehinleriň ýüze çykmagyna ýardam edýär. Aýyň üçünji ongünlüginde 10 günüň dowamynda geçiriljek milli birinjilikde dürli ýaş toparlaryndaky küştçüleriň arasynda ýaryşlar geçiriler. Ýeňijilere medallar we Hormat hatlary gowşurylar.