Bäş Hazarýaka döwleti, Türkmenistan bilen bilelikde Hazar deňzinde bekre balyklarynyň täjirçilik maksatly tutulmagyna bolan gadagançylygy 2025-nji ýyl üçin uzaltmak barada möhüm çözgüdi kabul etdiler. Bu çözgüt Russiýanyň Balyk hojalygy gullugynyň habar bermegine görä, Astrahan şäherinde geçirilen Hazar deňziniň suw biologik serişdelerini gorap saklamak we rejeli peýdalanmak boýunça iş toparynyň 8-nji mejlisinde kabul edildi.
Kabul edilen çözgüde laýyklykda 2025-nji ýylda bekre balyklarynyň we olaryň işbiliniň eksport çäklendirilen möçberi bellenilmez. Bu gymmatly balyk görnüşlerini tutmaklyga diňe ylmy barlaglary geçirmek we emeli köpeltmek maksatlary üçin rugsat berler.
Bekre balyklarynyň köpelmegini dikeltmäge aýratyn üns berilýär. 2023-nji ýylda Russiýanyň kärhanalary Hazar deňzine 34,5 million sany bekre balyjaklaryny, Gazagystanyň kärhanalary 1,9 million sanysyny, Azerbaýjanyň kärhanalary bolsa 618,7 müň sanysyny goýberdi.
8-nji mejlisiň jemleri boýunça Iş toparynyň Teswirnamasyna gol çekildi, onda kabul edilen çözgütler beýan edilýär.
2025-nji ýylyň 1-nji ýanwaryndan Hazar Iş toparynda başlyklyk etme degişli nobat çalşygy boýunça Türkmenistana geçýär.
