Girmek
Özbegistanda Parlamente saýlawlar geçdi. Ýurduň kanun çykaryjy (aşaky) palatasyna deputatlar ilkinji gezek garyşyk mažoritar-deňölçegli nusga boýunça saýlandy: aşaky palatadaky 150 orun üçin 75 deputat bir mandat, galan 75 sanysy syýasy partiýalar üçin berlen sesler esasynda ýeke-täk okrug boýunça saýlandy.
Saýlawlara ýurtda hereket edýän partiýalaryň ählisi— Özbegistanyň Liberal-demokratik partiýasy, Özbegistanyň Halk-demokratik partiýasy, «Milliý tiklaniş» Demokratik partiýasy, «Adolat» sosial-demokratik partiýasy we Ekologiýa partiýasy gatnaşdylar.
Saýlaw uçastoklarynyň 11 müňüsi, şol sanda 39 daşary ýurtdaky wekilhanalarda 56 sany saýlaw uçastogy açyldy. Ses berlişige 50 ýurtdan synçylaryň 1 müňden gowragy gatnaşdy.
Garaşsyz Döwletleriň Arkalaşygynyň Baş sekretary Sergeý Lebedew Respublikada saýlawlaryň ýokary derejede guralandygyny aýtdy diýip, «MIR 24» ýazýar.