Girmek
Gyrgyz Respublikasynyň Prezidenti Sadyr Žaparow öz halkynyň diplomatiýasynyň 3 müň ýyllyk ýaşynyň bardygyny aýtdy. Ol muny delillendirmek üçin hytaýly taryhçy Ýu Taýşanyň ylmy barlaglaryna esaslandy. «Tanymal hytaýly taryhçy Ýu Taýşan öz işlerinde baryp X asyrda gyrgyz döwletiniň bolandygyny tassyklady, diýmek, biziň halkymyzyň diplomatik gullugy 3 müň ýyl mundan öň döräpdir» diýen sözlerini TASS getirýär.
Žaparow bu barada Respublikanyň Daşary işler ministrliginiň döredilmeginiň 80 ýyllygyna bagyşlanan dabarada aýtdy. Döwlet Baştutanynyň pikirine görä, gyrgyz halky şol döwürlerde diňe bir goňşy taýpalar däl, beýik şadöwletler bilen hem gatnaşyklary alyp barypdyrlar. Harby-syýasy bileleşikleri döredip, beýleki döwletler bilen ylalaşyklary baglaşypdyrlar. Mysal üçin, Hytaýda 643-747-nji ýyllar aralygynda 11 sany gyrgyz ilçisi hasaba alnypdyr.
Gyrgyzystanyň Prezidentiniň sözlerine görä, bu gün gyrgyz diplomatiýasy halkyň köp asyrlyk taryhyna we pähim-paýhasyna daýanýar.