Girmek
19 ýaşly Türkmenistanly türgen Maýsa Pardaýewa, 2024-nji ýylyň Olimpiýa oýunlaryndaky çykyşlaryny 1/8 finalda tamamlady. Olimpiýa oýunlaryna ilkinji gezek gatnaşýan türgen birinji tapgyrda hytaýly dzýudoçy Kaý Tsi-dan üstün çykmagy başardy.
Ikinji tapgyrda Pardaýewa has tejribeli dzýudoçy - 32 ýaşly braziliýaly, 2016-njy ýylyň Olimpiýa çempiony we iki gezek dünýä çempiony Rafaela Silwa bilen duşuşdy. Ýiti göreşe garamazdan, türkmen türgenine öz bäsdeşini ýeňmek başartmady.
Pardaýewa üçin bu Olimpiýa oýunlary ilkinjisi bolsa-da, onuň eýýäm halkara ýaryşlarynda baý tejribesi bar. Ol 2023-nji ýylda Guançžouda geçirilen XIX tomusky Aziýa oýunlarynda bürünç medal gazandy.