Girmek
Leýboristler partiýasynyň lideri Kir Starmer Britaniýanyň täze hökümet başlyklygyna bellendi diýip, «Reuters» habarlar gullugyna salgylanýan «Ren.tv» habar berdi.
Ýurduň Patyşasy Karl III Bukingem köşgünde Starmeri kabul etdi we ony premýer-ministriň wezipesine belledi. Patyşa Starmeri saýlawlardaky ýeňşi bilen gutlap, täze hökümeti düzmegi tabşyrdy.
Munuň öňüsyrasy Karl III premýer-ministr Rişi Sunagyň iş başyndan gitmegini kabul etdi. Ol parlamente geçen saýlawlaryň jemleri boýunça wezipesini terk etdi, Sunagyň konserwatorlar partiýasy saýlawlarda ýeňlişe sezewar boldy.
Starmer Beýik Britaniýanyň 58-nji premýer-ministri boldy, 61 ýaşly syýasatçy leýboristler partiýasyna 2020-nji ýyldan bäri ýolbaşçylyk edýär.
Konserwatorlar ýeňlişe uçrandan soňra, Sunak premýer-ministriň wezipesinden başga-da partiýanyň liderligini terk edýändigini yglan etdi.
«Financial Review» neşiri Britaniýada leýboristleriň ýeňiş gazanmagyna taryhy waka hökmünde baha berdi.
Beýik Britaniýanyň täze hökümet başlygy Kir Starmer ýurduň daşary işler ministri wezipesine Dewid Lemmini belledi diýip, «RIA Nowosti» habar berdi.