Türkmenistan Eýrandaky «Reşt-Kaspian» demir ýolunyň üsti bilen harytlaryny üstaşyr daşap başlaýar. Bu barada Eýran Yslam Respublikasynyň Demir ýollarynyň baş direktory Milad Salehiniň sözlerine salgylanyp, «Türkmenistan: Altyn asyr» neşiri habar berýär.
Geljek hepdeden Türkmenistan degişli ugur boýunça kükürdi üstaşyr iberip başlar. Ýük Türkmenbaşynyň halkara deňiz portundan Eýranyň Kaspian portuna eltiler, soňra ýerden demir ýol arkaly Eýranyň çäginden çäginden geçer.
«Reşt-Kaspian» demir ýoly «Demirgazyk — Günorta» halkara ulag geçelgesiniň Hazar deňzini Pars aýlagy we Oman deňzi bilen birleşdirýän möhüm bölegidir. Bu ugur harytlaryň Merkezi Aziýadan Ýakyn Gündogar we Günorta Aziýa ýurtlaryna daşalmagy üçin täze mümkinçilikleri açýar.
Täze ugur logistikany kämilleşdirer we sebitiň ýurtlarynyň arasyndaky söwda gatnaşyklarynyň ösmegine goşant goşup, ýükleri daşamak üçin sarp edilýän wagty azaldar.
