Girmek
Seul şäherinde «Geljek nesliň dialogy 2024» atly maksatnamanyň açylyş dabarasy we tebigy baýlyklar pudagyndaky hyzmatdaşlyga bagyşlanan maslahat öz işine başlady.
Bu çäreler «Merkezi Aziýa — Koreýa Respublikasy» hyzmatdaşlyk forumynyň sekretariaty tarapyndan guraldy.
Duşuşyga degişli ministrlikleriň we edaralaryň wekilleri, Merkezi Aziýa döwletlerinden we Koreýa Respublikasyndan degişli hünärmenler hem-de bilermenler, şol sanda Koreýa Respublikasynda akkreditirlenen Merkezi Aziýa ýurtlarynyň diplomatik wekilhanalarynyň wekilleri gatnaşdylar.
Forumda Türkmenistana ýurduň Daşary işler ministrliginiň we Ylymlar akademiýasynyň wekilleri wekilçilik edýärler. Maslahatyň dowamynda gatnaşyjylar öz ýurtlarynyň esasy tebigy we mineral baýlyklary barada çykyş etdiler, şeýle-de bu ugurda hyzmatdaşlygyň geljegi barada pikir alyşdylar.
Maksatnama 29-njy iýuna çenli dowam eder.