Girmek
Ýaponiýanyň paýtagtynda ýerli hasyla howp salýan ýenotlara garşy berk göreş yglan etdiler. Munuň sebäbi olar daýhanlaryň ummasyz ýitgi çekmegine getirýär diýip, UPI neşirine salgylanýan «m24.ru» ýazýar.
Soňky 10 ýylda Tokionyň eteklerinde ýenotlaryň sany güýçli köpeldi. Mysal üçin, öň olaryň 100-si hasaba alnan bolsa, indi şäheriň çäginde 2 müň töweregi gemriji bar diýlip, habarda aýdylýar.
Hünärmenler ýenotlaryň sanynyň çalt artmagyny ýerli ýaşaýjylaryň öň olary öý haýwanlary hökmünde saklap, indi köçä kowýandyklary bilen düşündirýärler. Gözegçiliksiz galan jandarlar hasyla zyýan ýetirip başladylar.
Ýaponiýanyň Oba hojalyk ministrliginiň maglumatlaryna görä, 2022-nji ýylda ýenotlar 2,8 million dollarlyk hasyly ýok etdiler. Ýerli häkimiýetler bu jandarlaryň garşysyna göreşmegiň kyndygyndan zeýrenýärler, sebäbi olar duzaklary hem ýok etmegi öwrendiler.