Mübärek Remezan aýynda Aşgabatda kalligrafiýa sungatynyň, altyn çaýmak ýagny bezeg bermek sungatynyň we Gurhan kitabynyň sergisi açyldy, bu barada EYR-nyň Türkmenistandaky medeniýet merkezi habar berdi.
Aşgabatda 4-nji aprelda Eýran Yslam Respublikasynyň Türkmenistandaky Medeniýet Merkeziniň guramagynda Mübärek Remezan aýynda Eýrandan gelen iki sany hünärmeniň ýagny jenap Hadi Seýedhaniniň kalligrafiýa sungatynyň eserleriniň we hanym Fatemeh Pärästände Hiýalyň altyn çaýmak we bezeg bermek boýunça eserleriniň, şeýlede Gurhan kitabyň sergisi Türkmenistanyň suratkeşler birleşmesiniň müdiri we ol birleşmäniň käbir agzalarynyň, Türkmenistanyň çeperçilik akademiýasynyň mugallymlary we talyplarynyň, ilçihananyň işgärlerini we sungaty söýüjileriň gatnaşmagynda öz işine başlady.
Serginiň açylyşy Gurhan Kerimden aýat okalmagy bilen başlandy. Eýran Yslam Respublikasynyň Türkmenistandaky Medeniýet meseleleri boýunça geňeşçisi Nawid Rasuli Mübärek Remezan aýynda Gurhan Kerimden aýat barada belläp we bu mukaddes kitabyň Eýranyň we Türkmenistanyň medeni umumylyklaryndan biri hökmünde belläp sözüni dowam etdi: Adam Gurhanyň taglymatlaryna eýerip, bu dünýäde we ahyretde rahatlyk gazanýar.
Ol sözüni dowam edip Yslam dünýäsiniň Pygamberiniň (s) Gurhan Kerimi okamaklygyň ähmiýeti barada aýdanlaryna ünsi çekdi: Muhammet pygamber (s) aýtýar : “ Durmuşda alada - gaýgylar we kynçylyklary başdan geçireniňizde we olary çözmek üçin ýol tapmadyk wagtyňyz Gurhany okaň we ähli aladalaryňyz we kynçylyklar çözülmegi ýol taparsyňyz.”
Rasuli sözüniň soňunda şu ýylky geçirilýän serginiň tapawudynyň Eýran Yslam Respublikasyndan gelen hünärmenleriň gatnaşmagynda we olaryň ussatlyk sapaklarynyň geçirilmegindedir diýip, iki ýurduň arasynda gatnaşyklar dürli ugurlarda has-da medeniýet ulgamyndan berkär diýip umyt edýärin diýip, aýtdy.
Türkmenistanyň suratkeşler birleşmesiniň müdiri Çarymyrat Ýazmyradow sözünde şeýle serginiň gurnalandygy we Medeniýet merkeziň bu sergä gatnaşmak üçin suratkeşler birleşmesiniň agzalaryna we Türkmenistanyň çeperçilik akademiýasynyň mugallymlary we talyplaryna iberilen çakylyk üçin minnetdarlyk bildirdi we Eýranyň hem-de Türkmenistanyň nakgaşlarynyň bilelikdäki sergisiniň Eýranda geçirilmegini umyt edýärin diýip aýtdy.
Şeýle - de dabaraly çärede Türkmenistanyň suratkeşler birleşmesiniň adyndan Eýrandan gelen hünärmenlere desse güller gowşuryldy. Soňra Eýrandan gelen hünärmenler öz eserleri barada myhmanlara düşündiriş berdiler.
Şuny belläp geçmek zerurdyr, sergi we ussatlyk sapagy 7- nji aprele çenli 4 gün dowam eder.
