Girmek
Ozal hem habar berşimiz ýaly, häzirki wagtda Ispaniýanyň 11 sany kompaniýasynyň we 20-ä golaý ministrliginiň wekillerinden ybarat işewür wekiliýetiň Türkmenistana iş sapary dowam edýär.
Saparyň çäklerinde Türkmenistanyň Söwda-senagat edarasynda Türkmenistanyň Saglygy goraýyş we derman senagaty ministrliginiň wekilleri bilen «Sercobe» kärhanasynyň müdiri jenap Hektor Rodrigesiň arasynda duşuşyk geçirildi. Bu barada HHM habar berdi.
Duşuşygyň dowamynda saglygy goraýyş we lukmançylyk pudagyndaky özara gatnaşyklaryň häzirki zaman meseleleri ara alnyp maslahatlaşyldy we hyzmatdaşlygyň aýratyn ugurlary barada pikir alyşyldy.
Şeýle hem jenap Hektor Rodriges, çylşyrymly senagat taslamalaryny ösdürmekde uly tejribesiniň bardygyny belläp geçdi.
Ispan wekiliýetiniň saparynyň çäginde Türkmenistanyň 20-ä golaý ministrliginiň we müdirliginiň ýolbaşçylary bilen duşuşyklaryň yzygiderlilikde geçirilýändigini bellemelidiris.