Kompýuter programmalaryny düzüji däl-de, oba hojalyk ugrundan bilim almak gerek diýip, dünýäde iň gymmat tehnologiýa kompaniýalaryň biriniň başlygy ýaşlara maslahat berdi. Grafiki prosessorlary we çipleri öndürýän «Nvidia» kompaniýasynyň baş direktory Jensen Huang: «Eger häzir kär saýlamaly bolsam, biologiýa ugrundan okap, oba hojalykçy bolardym» diýdi. Bu barada «Ren.tv» ýazýar.
Onuň pikiriçe, golaý geljekde kodirlemek işini neýroulgam öz üstüne alar, munuň üçin diňe tehniki meseläni salgy bermek ýeterlik bolar. Ýeri gelende aýtsak, hut «Nvidia» emeli aň tehnologiýalarynyň okgunly ösmegine itergi beripdi, kompaniýa häzir hem emeli aň ugrunda ulanylýan çipleri öndürmekde esasy paý degişlidir.
«Biziň maksadymyz kompýuter tehnologiýalaryny programmalamak bilen meşgullanmazlyk derejede ösdürmekdir. Programmalaşdyrmagyň dili adaty dil bolar, şonuň üçin islendik adam programma düzüp biler, emeli aňyň gudraty hem şundadyr» diýip, «Nvidia» kompaniýasynyň baş direktory nygtady.
