2023-nji ýylda Türkmenistan bilen Özbegistanyň arasyndaky özara söwda dolanyşygy 1 milliard amerikan dollaryndan geçdi. Bu barada Türkmenistanyň Halk Maslahatynyň Başlygy, türkmen halkynyň Milli Lideri Gurbanguly Berdimuhamedow bilen Özbegistanyň Prezidenti Şawkat Mirziýoýewiň arasynda 28-nji dekabrda bolup geçen telefon arkaly söhbetdeşliginde mälim edildi.
Özbek Lideriniň resmi metbugat gullugynyň habar bermegin görä, söhbetdeşligiň başynda Özbegistanyň Prezidenti Şawkat Mirziýoýew hem-de türkmen halkynyň Milli Lideri, Türkmenistan Halk Geňeşiniň Başlygy Gurbanguly Berdimuhamedow birek-biregi Täze ýyl baýramy bilen mähirli gutlap, dogan türkmen we özbek halklaryna parahatçylyk we abadançylyk arzuw etdiler.
«Özbegistan bilen Türkmenistanyň arasyndaky dostluga, hoşniýetli goňşuçylyga we çuňlaşdyrylan strategiki hyzmatdaşlyga esaslanýan gatnaşyklary mundan beýläk-de ösdürmek, meseleleri ara alnyp maslahatlaşyldy. Şunuň bilen baglylykda, ozal gol çekilen şertnamalaryň, şol sanda parlamentara dialogyň çäklerinde gazanylan ylalaşyklaryň ýerine ýetirilişiniň gidişi ara alnyp maslahatlaşyldy.
Taraplar ähli ileri tutulýan ugurlarda özara peýdaly hyzmatdaşlygyň işjeňleşýändigini uly kanagatlanma bilen bellediler.
Özara söwda dolanyşygynyň mukdary artýar — 2023-nji ýylyň ahyryna çenli iki ýurduň arasyndaky söwda dolanyşygy 1 milliard amerikan dollardan artar. Daşkentde we Aşgabatda söwda öýleri açyldy hem-de «Şabat — Daşoguz» serhetýaka söwda zolagyny bilelikde döretmek boýunça işler alnyp barylýar» diýlip, habarda bellenilýär.
Mundan başga-da, söhbetdeşligiň barşynda Merkezi Aziýada sebit hyzmatdaşlygynyň amaly taraplary barada pikir alşyldy hem-de 2024-nji ýylda geçiriljek duşuyklaryň meýilnamasyna garaldy.
