Russiýalylaryň Täze ýyl baýramy günlerinde teleýaýlymda tomaşa edesi gelýän filmleriniň onlugy belli edildi, sanawyň başyny Leonid Gaýdaýyň «Iwan Wasilýewiç kärini üýtgedýär» atly komediýasy (1973) çekýär diýip, «Gazeta.ru» ýazýar.
Bu ugurda ýurduň teleýaýlymy tarapyndan geçirilen pikirsoralyşykda Eldar Rýazanowyň «Ykbalyň ýaňsysy ýa-da päklenmegiň bilen!» (1976) filmi ikinji orny eýeledi. Üçünji orunda Konstantin Brombergiň «Jadygöýler» (1982) filmi ýerleşdi.
Onluga şeýle-de «Gyzlar», «Şowlulygyň žentelmenleri», «Gulluk söýgüsi», «Kawkaz ýesiri ýa-da Şurigiň başdan geçirmeleri», «Söýgi we kepderiler», «Karnawal gijesi», «Göwher el» atly meşhur gülküli filmler girdi.
