«Älem Sport» sport dükanlarynyň tory SMM-menejer hem-de satyn alyş boýunça hünärmen wezipelerine täze boş iş orunlaryny yglan etdi.
Satyn alyş boýunça hünärmen wezipesine ýaşaýan ýeri boýunça Aşgabatda hasaba duran 25 — 35 ýaş aralygyndaky gyzlar çagyrylýar. Aýlyk haky — 2000 manat. Iş wagty: 9:00-dan 18:00-a çenli.
Işgäriň wezipe borçlaryna şular girýär:
- harytlary satyn almak işini guramak we gözegçilikde saklamak;
- täze paýlaýjylary gözlemek we uzak möhletli hyzmatdaşlygy ýola goýmak;
- iň girdejili teklipleri kesgitlemek üçin bazary derňemek hem-de optimizasiýa;
- önümiň görnüşini optimizirlemek üçin satuw bölümi bilen ýygjam aragatnaşyk saklamak;
- ammara öz wagtynda eltilmegini üpjün etmek üçin harytlary meýilleşdirmek we gözegçilik etmek.
Dalaşgärden bu ugurda tejribesiniň bolmagy, şeýle-de «Excel», «Akhasap» programmalaryny ulanmak başarnygy, rus we türkmen dillerini bilmegi talap edilýär.
Arzany şu salgylanma arkaly tabşyryp bilersiňiz. Telefon: (+993 65) 79 44 10.
SMM-menejer wezipesine 18 ýaşdan 27 ýaş aralygyndaky dalaşgärler çagyrylýar. Aýlyk haky — 2000 manat + bonuslar. Iş wagty: 12:00-dan 22:00-a çenli.
Hünärmen sosial media ulgamynda mahabat strategiýalaryny işläp düzmek we durmuşa geçirmek, kontentleri döretmek hem-de dolandyrmak, hasabat bermek we ş.m. işleri alyp barmalydyr.
Dalaşgärler üçin şu talaplar bildirilýär:
- azyndan 1 ýyl iş tejribesi bolmaly;
- esasy sosial media ulgamyny, olaryň algoritmlerini we mahabat mümkinçiliklerini bilmeli;
- mahabat strategiýasyny işläp düzmegi we özüne çekiji kontentleri döretmegi başarmaly.
Arzany şu salgylanma arkaly tabşyryp bilersiňiz. Telefon: (+993 65) 79 44 10.
