Girmek
2023-nji ýylyň ýanwar — sentýabr aýlarynda Russiýa Federasiýasyna syýahat eden raýatlarynyň sany boýunça Türkmenistan ilkinji bäşlikden orun aldy. Bu barada «TASS» habar berýär.
Hasabat döwründe 23,6 müň sany türkmenistanly Russiýa syýahat edip, Türkmenistan bu ugurda bäşinji orna ýerleşdi. Degişli sanawda birinji ýeri 105,8 müň sany raýaty syýahatçylyk maksatlary bilen Russiýa baran Hytaý eýeledi. Sanawda ikinji orunda Germaniýanyň (42,1 müň syýahatçy), üçünji ýerde Türkiýäniň (33,7 müň syýahatçy) hem-de dördünji basgançakda Eýranyň (25,6 müň syýahatçy) ady getirilýär.
Ýeri gelende bellesek, 2023-nji ýylyň ilkinji dokuz aýynda Russiýa baran daşary ýurtly syýahatçylaryň umumy sany 429 müňe barabar bolupdyr.