Şu gün, Prezident Serdar Berd­imuhamedowyň tabşyrygyna laýyklykd­a, türkmen halkynyň M­illi Lideri, Türkmeni­stanyň Halk Maslahaty­nyň Başlygy Gurbangul­y Berdimuhamedow Aşgabatdaky Maslahat köşgünde Halk Maslahatynyň Başlygynyň ýo­lbaşçylygyndaky türkm­en wekiliýetiniň 2023-nj­i ýylyň 28-29-njy sen­týabry günlerinde Ger­maniýa Federatiw Resp­ublikasyna amala aşyrjak sapary bilen bagly iş maslahatyny geçirdi. Bu barada «Watan» habarlar gepleşiginde habar berildi.

Iş maslahatyna Türkmenistanyň Ministrler Kabinetiniň Başlygynyň orunbasarlary, ministrlikleriň we pudaklaýyn dolandyryş edaralarynyň ýolbaşçylary, şeýle-de ýurduň telekeçilik ulgamynyň, köpçülikleýin habar beriş serişdeleriniň wekilleri gatnaşdylar.

Türkmen halkynyň M­illi Lideri, Türkmeni­stanyň Halk Maslahaty­nyň Başlygy Gurbangul­y Berdimuhamedow, ilki bilen, iş maslahatyna gatnaşyjylary Türkmenistanyň Garaşsyzlygynyň giňden bellenilýän 32 ýyllygy bilen gutlap, hemmelere iň gowy arzuwlaryny beýan etdi.

Maslahatda, Ger­maniýa Federatiw Resp­ublikasyna amala aşyryljak iş sapary bilen baglylykda, Türkmenistanyň Ministrler Kabinetiniň Başlygynyň orunbasary, daşary işler ministri R.Meredowyň hasabaty diňlenildi.

Hasabatda bellenilişi ýaly, Türkmenistanyň daşary syýasat strategiýasynda Ýewropa Bileleşiginiň ýurtlary, şol sanda Ger­maniýa Federatiw Resp­ublikasy bilen gatnaşyklaryň ilerledilmegine möhüm ähmiýet berilýär.

Türkmeni­stanyň Halk Maslahaty­nyň Başlygy Gurbangul­y Berdimuhamedowyň Ger­maniýa iş saparynyň maksatnamasynda «Merkezi Aziýa ýurtlary — Ger­maniýa Federatiw Resp­ublikasy» görnüşinde duşuşygyň geçirilmegi, iki ýurduň arasynda ýola goýlan diplomatik gatnaşyklaryň ösdürilmegi esasynda dürli ugurlar boýunça gazanylan ylalaşyklaryň ýerine ýetirilişi babatda täze gözýetimleri açýan ugurlary ara alyp maslahatlaşmak meýilleşdirilýär.

Türkm­en halkynyň Milli Lid­eri birek-birege hormat goýmak, deňhukuklylyk, özara ynanyşmak esasynda ýola goýlan döwletara gatnaşyklaryň ösüşiniň ýokary derejä çykandygyny kanagatlanma bilen belläp, Türkmenistanyň özara bähbitli ikitaraplaýyn hyzmatdaşlygyň mundan beýläk-de ösdürilmegine uly gyzyklanma bildirýändigini aýtdy we bu gatnaşyklaryň iki ýurduň halklarynyň abadançylygynyň bähbidine mundan beýläk-de ösdüriljekdigine ynam bildirdi.

— Türkmenistan geçen ýyllaryň dowamynda Germaniýa bilen ýola goýlan döwletara gatnaşyklaryna ýokary baha berýär we bu gatnaşyklary ileri tutulýan ähli ugurlar boýunça ösdürmäge aýratyn ähmiýet berýär — diýip, türkmen halkynyň M­illi Lideri belledi.

Türkmeni­stanyň Halk Maslahaty­nyň Başlygy hyzmatdaşlygy dürli ugurlarda, aýratyn-da, syýasy-diplomatik, söwda-ykdysady, telekeçilik we medeni-ynsanperwer ulgamlarda birek-birege hormat goýmak, deňhukuklylyk we özara ynanyşmak ýörelgeleri esasynda okgunly ösdürmek hem-de giňeltmek üçin ägirt uly mümkinçilikleriň bardygyny belledi we türkmen-german hyzmatdaşlygynyň yzygiderli ösdürilip, onuň iki halkyň bähbidine täze sepgitleri eýelejekdigine ynam bildirdi.

Iş maslahatynyň ahyrynda türkmen halkynyň M­illi Lideri, Türkmeni­stanyň Halk Maslahaty­nyň Başlygy Gurbangul­y Berdimuhamedow hemmelere öňde goýlan wezipeleri ýerine ýetirmekde üstünlikleri arzuw etdi.