Russiýa Federasiýasynyň Prezidenti Wladimir Putinden Türkmenistanyň Prezidenti Serdar Berdimuhamedowyň adyna gutlag haty gelip gowuşdy. «Türkmenistan» gazetiniň şu günki sanynda çap edilen gutlagynda rus Lideri türkmen kärdeşini doglan güni bilen gutlaýar.
— Russiýada Siziň ýurtlarymyzyň arasyndaky strategik hyzmatdaşlygy ösdürmäge, ähli ugurlardaky netijeli hyzmatdaşlyga goşýan şahsy goşandyňyza ýokary baha berilýär. Biziň dostlukly halklarymyzyň abadançylygynyň, Merkezi Aziýada we Hazar sebitinde howpsuzlygy, durnuklylygy üpjün etmegiň bähbidine ikitaraplaýyn we halkara gün tertibiniň derwaýys meseleleri boýunça netijeli gatnaşyklarymyzyň, bilelikdäki ysnyşykly işimiziň dowam etdirilmegine umyt edýärin — diýip, Wladimir Putin gutlag hatynda belleýär.
Russiýa Federasiýasynyň Prezidenti gutlagynyň ahyrynda Türkmenistanyň Prezidentine tüýs ýürekden berk jan saglyk, abadançylyk, döwlet işinde üstünlikleri arzuw edýär.
