Türkmenistanyň Daşary işler ministrliginiň Halkara gatnaşyklary institutynyň garamagyndaky Ýaş diplomatlaryň mekdebi okuwçylaryň arasynda geçirilýän «Parahatçylygyň ýaş çaparlary» akyl-paýhas bäsleşiginiň III möwsümine gatnaşmak üçin isleg bildiren okuwçylar bilen saýlap alyş test synaglarynyň başlanýandygyny habar berdi.

Test synaglary «onlaýn» görnüşinde şu salgylarda ýörite bellenilen otaglarda guramaçylykly görnüşde geçiriler:

20.09.2023 ý. – Mary welaýatynda, Türkmenistanyň Döwlet energetika institutynda;

20.09.2023 ý. – Balkan welaýatynda, Ýagşygeldi Kakaýew adyndaky Halkara nebit we gaz uniwersitetiniň Balkanabat bölüminde;

21.09.2023 ý. Lebap welaýatynda, S.Seýdi adyndaky Türkmen döwlet mugallymçylyk institutynda;

21.09.2023 ý. Daşoguz welaýatynda, Türkmen oba hojalyk institutynda;

22.09.2023 ý. Ahal welaýaty we Aşgabat şäheriniň okuwçylary bilen Türkmenistanyň Daşary işler ministrliginiň Halkara gatnaşyklary institutynda.

Test synagy şu aşakdaky ugurlar boýunça geçiriler:

a) Magtymguly Pyragynyň ömri we döredijiligi;

b) XVII-XVIII asyrlaryň Türkmenistan we dünýä taryhy;

ç) iňlis dili;

d) zehin-paýhas soraglary.

Test 100 soragdan ybarat bolup, ony çözmäge 60 minut wagt berler.

Test synaglary sagat 10:00 başlanar.