AFK-nyň Çempionar ligasynyň 2023/24-nji ýyllaryň möwsüminiň 1-nji tapgyryndaky «Ahal» — «Al-Feýha» duşuşygynyň petekleri satuwa çykaryldy.

Petekler her gün ir sagat 08:00-dan agşam 21:00-a çenli «Aşgabat» stadionynyň kassasynda satylýar. Bir petegiň bahasy 30 manat.

Türkmenistanyň çempiony «Ahalyň» AFK-nyň Çempionlar ligasynyň täze möwsümine öz meýdanynda Saud Arabystanynyň «Al-Feýha» topary bilen geçirjek duşuşygy arkaly başlajakdygyny ýatladýarys.

19-njy sentýabrda «Aşgabat» stadionynda geçiriljek duşuşyk agşam sagat 21:00-da başlanar.

«Ahalyň» bije çekişlikde Özbegistanyň «Pahtakor», Saud Arabystanynyň «Al-Feýha» we Birleşen Arap Emirlikleriniň «Al-Aýn» toparlary bilen bir toparça düşendigini ýatladýarys.